Detido un home como presunto autor dunha violación na Estrada
O Xulgado de Garda da Estrada decretou a liberdade provisional a espera de xuízo
Por Europa Press / Redacción | SANTIAGO DE COMPOSTELA | 25/08/2023 | Actualizada ás 14:42
A Garda Civil detivo a un veciño de Meis como presunto autor dun delito de agresión sexual e outro delito leve de furto de teléfono móbil.
Segundo explicou o corpo nun comunicado, a investigación iniciouse pola denuncia presentada por unha muller, o pasado 16 de agosto na Garda Civil de Caldas de Reis, na que relatou que o día anterior sufrira unha agresión sexual no seu domiciliario da Estrada.
A agresión realizouna unha persoa que pertencía ao seu círculo de amizades e aproveitando que estaban os dous sós no domicilio da vítima, o presunto agresor "aproveitou a situación para tirala encima da cama e así violala".
O presunto agresor abandonou o domicilio e levou un teléfono móbil propiedade da victima. Tras as oportunas xestións realizadas polo Equipo de Policía Xudicial da Garda Civil de Lalín, detiveron a un home de 55 anos, veciño da localidade de Meis e con antecedentes policiais. O detido, xunto coas dilixencias pasaron a disposición do Xulgado de Garda da Estrada, que decretou a liberdade provisional á espera de xuízo.
