Poio traslada ao Sergas a súa preocupación pola "falta de facultativos" en Raxó

O Concello de Poio, presidido polo rexedor popular Ángel Moldes, trasladou este luns ao Sergas a súa preocupación pola "falta de facultativos" no consultorio médico de Raxó.

Nunha comunicación coas autoridades sanitarias, o consistorio reclama "respostas" para "coñecer cal é a situación e as posibles solucións", así como as alternativas que se poden adoptar.

Desde o concello din ser "conscientes das dificultades que existen para cubrir as prazas de médicos" en Atención Primaria "pola inacción do Goberno central para paliar o déficit de profesionais", pero móstranse preocupados "porque o servizo poida quedar desatendido nun momento no que a poboación de Poio se incrementa notablemente".