CIG denuncia que hai centros de traballo de Correos na comarca de Compostela sen servizo de limpeza

A CIG denunciou este venres que "varios centros de traballo" de Correos na comarca de Compostela están sen servizo de limpeza "desde hai días", unha situación que afecta tanto a oficinas de atención ao público como a unidades de repartición.

Sendo "lugares con elevado número de clientes", lembra o sindicato, "non é apropiado abrir ao público as oficinas cos locais en malas condicións de hixiene". "Nin é digno para as persoas que traballan nas Unidades de Repartición levar a cabo as súas tarefas en espazos que día tras día afástanse da salubridade", dixo Ana Pintos, delegada de Correos.

Isto, engadiu, "non é un feito illado", se non que xa o pasado mes de xullo os compañeiros de CIG Correos en Vigo "formalizaron unha denuncia en inspección de traballo" despois de "reiteradas reclamacións á empresa para que solucionase o tema da falta de limpeza nas instalacións do Pavillón Postal da cidade".

Entrada a unha oficina de Correos.. CORREOS