Carta de Critias a Terámenes (II)

O noso amigo Aristocles leva  razón, mais non ten presente a arte  que a oligarquía ten para  manipular.  O pobo suxestionado outorga no sorteo de cargos públicos o poder aos xa designados polos  nosos iguais os oligarcas. Por iso, aínda que é correcto a análise de Aristocles,  o noso amigo nin se imaxina  que a este  pobo se lle suxestione con tal  maña. 

A astucia que  Ciro aplicou á cidade de Tiro está totalmente organizada. Nunca vin tantas cantinas nin  liviandad.  Os oligarcas aseveran que con iso abrandan á masa e achéganlle un sucedáneo de liberdade. O hedonismo está promovido e pago  co erario público, e como xa che dixen, os impostos páganos as mesmas clases populares. 

 

Aristocles tamén é certeiro nas bondades da  repartición da riqueza. O mellor para a Polis é que exista una certa igualdade, xa que a riqueza de poucos e a indixencia de moitos,  a primeira “trae a molicie, a ociosidade e a segunda a vileza e o mal obrar”. Mais o noso amigo descoñece o método do sorteo de cargos públicos que aplican neste pobo, xa que  devandito medio canaliza o servilismo e o mal obrar, como un acueduto canaliza a auga. Un exemplo son as “disputa entre postulantes a tarefas pública”. 

 

Como che dixen no anterior despacho,  asistín a un espectáculo que fan chamar  “disputa entre postulantes a tarefas pública”. É un  procedemento sinxelo: os postulantes diante do  xentío prometen todo tipo de repartición de bens, como pan, viño e outros víveres. E así, un promete máis festas ou espectáculos públicos, e outros máis víveres sufragados pola mesma xentío.  O resultado é que a plebe apoia aos postulantes que máis lles satisfai os seus gozos.  A maiores,  a case tódalas  promesas  son falsidades obvias. Pregunteille a un oligarca se o pobo non se daba conta do engano, e respondeume que nun principio foi arduo enganarlles,  máis as novas xeracións xa están educadas e acéptano con docilidade.

 

Os dispendios e malversacións de todo o proceso, así como  as prebendas saen do erario público que se recada entra as mesmas clases populares. O método é moi enxeñoso e merece ser estudado para implantar nos nosos dominios.  

 

No vindeiro Día do Sol  sortean  cargos públicos da Polis. Os nosos iguais os oligarcas xa teñen planificada a política pública, e o sorteo é o procedemento para designar ás persoas que a van  implementar. Tras o remate do sorteo vou enviarche cumprido despacho.