Renfe aumenta os trenes que conectan Galicia e Madrid
Os billetes xa se encontran dispoñibles nos lugares de venta habituais.
Por Europa Press / Redacción | Santiago de Compostela | 14/07/2023 | Actualizada ás 13:36
Renfe reforzará con 2.100 novas prazas en trens especiais Alvia a conexión entre Galicia e Madrid durante os dous próximos fins de semana, é dicir, os días 14, 16, 21 e 23 de xullo. Así, estes trens especiais poranse en marcha os venres e domingos durante dúas semanas, cunha circulación diaria en cada sentido.
A hora de saída da capital galega está prevista ás 19:25 horas, con chegada a Madrid Chamartín ás 22:45 horas. En sentido inverso, a saída de Madrid Chamartín ten lugar ás 18:54 horas, con chegada a Santiago de Compostela ás 22:17 horas.
Os billetes para estes trens especiais xa están á venda nas canles habituais: despachos de billetes, App Renfe, en máquinas autoventa, a través do teléfono 912 320 320 e na web renfe.com
