Por Europa Press / Redacción | SANTIAGO DE COMPOSTELA | 05/07/2023 | Actualizada ás 19:57
O alcalde de Cerdedo-Cotobade, o popular Jorge Cubela, ordenou ao equipo xurídico do Concello presentar un recurso de alzada fronte ás autorizacións recentemente concedidas pola Xunta aos parques eólicos de Campo das Rosas, As Penizas, Porto Vidros e Os Cotos.
Cubela convocou a unha reunión de urxencia para leste mesmo mércores ás comunidades de montes afectdas, coa intención de comunicarlles esta decisión aos responsables veciñais e seguir "coordinando" con eles as accións necesarias para oporse á instalación de proxectos eólicos.
Con esta decisión, segundo indica o Concello, prodúcese a actuación no momento "procedimental adecuado", tal e como se acordou nas diferentes reunións de traballo mantidas entre o alcalde e os representantes vecionales das comunidades de montes afectadas.
ADEGA
Doutra banda, Adega busca recorrer ante o Tribunal Superior de Xustiza de Galicia (TSXG) o macroproxecto de 23 eólicos que a Xunta aprobou en "o corazón dos Ancares".
Para iso, chama á colaboración cidadá a través da campaña de doazón 'Ti Podes Paralos!', para emprender accións xudiciais contra os proxectos eólicos situados sobre: Serra de Piñeira, Serra do Colmo, Serra do Furco e Chao do Marco, que suman un total de 23 aeroxeradores no seu conxunto.
O obxectivo é recadar os fondos necesarios para a interposición de recursos contencioso-administrativos contra o actual modelo eólico "depredador e insustentable".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.