Sabes canto lle dá a Xunta en subvencións aos sindicatos este 2023?
Este martes publicase no DOG a resolución das axudas públicas aos sindicatos.
Por Europa Press / Redacción | Santiago de Compostela | 13/06/2023 | Actualizada ás 11:14
O Diario Oficial de Galicia (DOG) publica este martes a resolución pola que se dá publicidade ás axudas concedidas ao amparo da orde pola que se regula o réxime de subvencións ás organizacións sindicais para o ano 2023.
En concreto, son case 1,1 millóns de euros distribuídos en dous programas: o primeiro, de axudas para o desenvolvemento das actividades ordinarias das organizacións sindicais durante o ano 2023; e o segundo, para a creación e/ou o funcionamento de gabinetes técnicos das organizacións sindicais e para plans de formación de cadros e delegados sindicais.
O crédito total ascende a 1.099.800 euros, que se distribúen no orzamento do programa I, de 780.200 euros e o do programa II, de 319.600 euros. Nun anexo, a resolución concreta as subvencións concedidas: 250.361,18 e 110.498,23 euros á CIG, respectivamente; 224.116,08 e 98.914,81 euros a CC.OO.; 212.026,20 e 93.578,88 euros a UXT, e outras como 35.060,64 e 15.474,20 euros a CSIF, entre outras.
