Un ciberataque deixa paralizado o Concello de Carballo que non retomará a súa actividade polo menos ata este xoves

O Concello de Carballo foi vítima dun ciberataque que mantén paralizada toda a súa actividade administrativa e que espera póidase atallar para este xoves. O feito sucedeu ás 05,00 horas cando os servizos informáticos municipais activaron o protocolo, especializado nestes acontecementos, coa intención de minimizar as consecuencias.

Polo momento, están afectados os servidores municipais e descoñécese a intención e a procedencia do ataque. O Concello declarou que os grandes paquetes de información, como o padrón de habitantes e a contabilidade, e os servidores externos, tales como a xestión policial, servizos económicos e a páxina web, non foron damnificados por estar aloxados nos servidores da Deputación Provincial da Coruña.

Segundo un comunicado do Concello, "está a traballarse para esclarecer o ciberataque e para tentar restaurar os servizos afectados canto antes e restaurar a información local desde a copia de seguridade". Para comprender o seu alcance, a incursión ilegal esta sendo investigada polo goberno local en conxunto coa Axencia de Modernización Tecnolóxica de Galicia (Amtega) e coas empresas que provén o servizo de antivirus, almacenamento e resgardo da información.

E, paralelamente á investigación, denunciouse á Garda Civil "que xa enviou esta mañá un equipo da Policía Xudicial á Casa Consistorial, e farase a correspondente comunicación tanto ao Centro". Explicaron que pola mañá se reuniron, de forma telemática, o informático municipal, o secretario do Concello, a concelleira de Contratación e o alcalde, Evencio Ferrero, para programar unha estratexia para tal continxencia.

Ademais, expresaron que "todos os equipos informáticos serán desinfectados e probablemente, a partir de mañá, empezarán a restablecerse os servizos básicos de atención á cidadanía".

Casa do Concello en Carballo | Fonte: wikipedia