Por Europa Press / Redacción | SANTIAGO DE COMPOSTELA | 31/01/2023 | Actualizada ás 09:59
Axentes da Policía Nacional detiveron a unha muller acusada de traficar con drogas nunha zona de Narón de alta afluencia de menores. Comercializaba as sustancias estupefaciente no seu domicilio, próximo a un centro educativo, ximnasios e zonas de lecer frecuentadas por mozos.
A investigación, denominada 'Maraco', iniciouse o pasado ano, a través de contactos cidadáns nos que informaban da existencia dun punto de venda de drogas. En concreto, foron varios pais de menores e novos, así como de entidades veciñais que, alarmados polos feitos, puxeron a información en coñecemento da Comisaría de Policía Nacional de Ferrol-Narón, que iniciou unha investigación.
Tras establecerse un dispositivo de vixilancia, puidose confirmou a existencia deste 'narcopiso', ao que acudían diariamente varios mozos para adquirir as sustancias estupefacientes.
Tras a detención da muller, procedeuse ao rexistro de inmoble no que se interviñeron 85 gramos de haxix, oito gramos de marihuana, catro de cocaína, dúas básculas para a pesada da sustancia estupefaciente, numerosos envoltorios plásticos para a elaboración das papelinas, diñeiro en efectivo e un vehículo de gama alta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.