O Sergas forma a enfermeiros para saber como actuar cando non haxa médicos de garda

A área sanitaria Pontevedra-O Salnés comezará esta semana a formar ao persoal de enfermería dos Puntos de Atención Continuada (PAC) para que sepa cómo actuar cando non haxa médicos de garda.

 

Segundo informou este luns o xerente da área sanitaria, José Flores, será un curso práctico impartido pola Fundación Pública Urxencias Sanitarias de Galicia 061 para o personal de enfermería, para aqueles casos nos que se atopen sen acompañamento médico ante unha urxencia. Ademais, elaborarase un protocolo que ordene o seu traballo, para que teñan seguridade laboral e respaldo legal.

 

A formación está dirixida tanto para os titulares das prazas de enfermería nos PAC, como para os que están en lista de substitución ou aqueles que prestan a súa colaboración de maneira voluntaria. "Será un curso moi activo e meramente práctico", detallou o xerente.

 

Flores Arias asegurou que, con esta formación, non se busca "substituir médicos por enfermeiros", senón que estes últimos poidan tomar decisións tanto nos casos urxentes como nas consultas máis leves.