Convocan unha manifestación "antirracista e decolonial" contra o "Día de la Hispanidad"

A Asamblea Antirracista Gallega, que se define como "un encontro de personas racializadas e migrantes do territorio", convoca unha manifestación "antirracista e decolonial" o 12 de outubro centralizada en Santiago de Compostela, inda que asistirán persoas de todo o territorio galego.

“Dende hai máis de 500 anos os nosos corpos foron territorios profanados. O saqueo, o

xenocidio, a escravitude e a propia concepción da idea de raza condicionaron a nosa

existencia durante siglos. Actualmente cargamos cun trauma xeracional inminente, o sistema racista colonial ocupouse de deshumanizarnos ata o punto de conmemorar cada ano o inicio da nosa fin", indica esta plataforma nun comunicado.

"Somos corpos negros, marróns, migrantes, racializados que resistimos e loitamos neste reino español contra as súas leis migratorias, o seu racismo, xenofobia, discriminación e a imposición da maldita adaptación que pretende manternos calades e obedientes. Migramos

e/ou nacemos sendo a outredade que enuncia e denomina a branquitude", engade nun comunidado.  

Así, denuncia que o “descubrimento” significou o comenzo do "peor xenocidio da Historia da Humanidade" e que as súas consecuencias siguen a estar palpables a día de hoxe, como o saqueo e o extractivismo vixente en América.

As protestas comezarán cunha manifestación que sairá ás 12.30h dende a Alameda. Ademáis, se planificaron toda unha serie de actividades na Gentalha do Pichel, dende pequenos concertos e recitais ata mesas onde se exporán diferentes sentires ao redor do racismo da sociedade, "á vez que se compartirán maneiras distintas de sanar os traumas derivados do proceso migratorio".