Por Europa Press / Redacción | MADRID | 13/06/2022 | Actualizada ás 09:54
Un total de 32 provincias, de once comunidades autónomas, estarán este luns en risco (amarelo) ou risco importante (laranxa) pola onda de calor, que deixará ata 43ºC en varios puntos, segundo a previsión da Axencia Estatal de Meteoroloxía (Aemet). En Galicia, as temperaturas non serán tan elevadas pero haberá contrastes entre o norte e o sur do país.
Así, no norte as tempeoraturas serán máis frescas e mesmo hai a posibilidade de algunha chuvia débil na zona da Mariña. No sur, principalmente, na conca do Miño, e en zonas do interior de Ourense e Pontevedra as temperaturas estarán preto dos 30º. Tamén haberá bancos de néboa matinais no interior do país.
Por outra banda, haberá alerta amarela por fenómenos costeiros na provincia de A Coruña. Tamén hai aviso de vento do nordeste en Galicia e Cantábrico occidental, con intervalos fortes na costa galega.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.