Extinguido un incendio forestal que afectou o parque natural do Xurés

Medios de extinción sufocaron un incendio forestal na noite deste pasado xoves no municipio ourensán de Calvos de Randín que afectou a 0,2 hectáreas de superficie no parque natural Baixa Limia-Serra do Xurés.

Así o informou a Consellería do Medio Rural, que indicou que este lume quedou extinguido ás 21,29 horas deste xoves tras declararse ás 21,03 horas na parroquia de Randín.

Segundo as últimas medicións trasladadas por Medio Rural, este incendio forestal queimou unha superficie de 0,2 hectáreas de monte raso e afectou o parque natural Baixa Limia-Serra do Xurés.

Para o seu control foron mobilizados un total de dous axentes, sinalou o departamento de Medio Rural.

Incendio forestal no Parque Natural do Xurés | Fonte: Emerxencias Ourense @EmerxenciasOu