CLUN reorganiza a súa estrutura cun novo director de desenvolvemento de negocio na división láctea

CLUN designou a Roberto Casas novo director de desenvolvemento de negocio Iberia na recentemente creada división láctea, dirixida por Luís Ángel Rivera Piñón. Deste xeito, avanza na reforma da súa estrutura de xestión cooperativa co fortalecemento desta división láctea que engloba as áreas de industrial, operacións, mercadotecnia e vendas.

Casas conta cunha ampla traxectoria no sector de alimentación, gran parte dela no sector lácteo. Desempeñou postos de responsabilidade en compañías como Parmalat-Clesa, García Baquero, Conservas Friscos ou Aucosa, entre outras.

CLUN tamén reforza o equipo comercial para dar maior cobertura xeográfica ás súas vendas e apertura de novas canles, coa incorporación de Santiago Pozo, Yolanda Freire, Miguel Ángel Sánchez e Ramón Guirao, todos eles profesionais de contrastada experiencia en empresas do sector alimentario", explica nun comunicado.

O secretario xeral da cooperativa, Juan Gallástegui, comunicou ao persoal estes nomeamentos, á vez que desexa ao novo equipo "o maior éxito" no desempeño das súas funcións.