A Deputación de Lugo dá luz verde a obras en estradas de nove concellos

A Deputación de Lugo deu luz verde a obras de rehabilitación en estradas de nove concellos da provincia que suporán un investimento de 850.000 euros.

A xunta de goberno deste venres autorizou os proxectos, que abarcan a distintas infraestruturas de comunicación nos municipios de Lugo, Guntín, Chantada, Taboada, Antas de Ulla, Navia de Suarna, Cervantes, A Fonsagrada e Ribeira de Piquín.

Diso informou a portavoz do goberno provincial, Pilar García, nunha rolda de prensa na que detallou que as obras suman un investimento total de 850.000 euros.

O presidente da Deputación de Lugo, José Tomé, visita obras en varias estradas de Carballedo e no aparcadoiro do encoro dos Peares | Fonte: DEPUTACIÓN DE LUGO - Arquivo.