Falecen cinco persoas que foran diagnosticadas con coronavirus, unha delas de 53 anos

Os últimos datos achegados por Sanidade sinalan o falecemento de cinco persoas que foran diagnosticadas con coronavirus. Neste reconto inclúense datos do 8 e do 9 de agosto.

Así o día 8 falecía unha muller de 87 anos no seu domicilio situado no concello lugués de Láncara.

O día 9 falecían dúas mulleres no CHUAC da Coruña, unha de 53 anos e outra de 71. Ese mesmo día notificábase unha nova morte, neste caso un home de 80 anos que estaba ingresado no CHUS.

O día 10 de agosto comunicouse a morte dunha muller de 90 anos que estaba ingresada no CHUVI de Vigo.

Todas as persoas falecidas padecían patoloxías previas.