O lume da cheminea, orixe do incendio que calcinou o andar dunha casa en Covelo

Un incendio calcinou na noite deste venres por completo toda unha planta dunha casa no municipio pontevedrés de Covelo. Segundo a información do CIAE 112-Galicia, todo parece indicar que o lume se iniciou na cheminea, propagándose por todo o tellado da casa, de dous pisos. Ardeu, case por completo a planta superior, aínda que non houbo que lamentar vítimas.

Foi un particular o que chamou a emerxencias sobre as 21,00 horas para indicar que ardía o tellado da súa casa, situada no lugar de Pazo, en Barcia de Mera. Ata a zona desprazáronse os Bombeiros do Porriño e os de Ponteareas, así como efectivos da Garda Civil e Protección Civil.

Imaxe de arquivo dunha vivenda calcinada. POLICÍA LOCAL