O Colexio de Xeólogos pide impulsar proxectos mineiros en Galicia

O Colexio oficial de Xeólogos valorou as declaracións que o presidente da Xunta de Galicia, Alberto Núñez Feijóo, fixo durante o seu discurso de investidura, nas que falou de impulsar proxectos que permitan aproveitar os recursos autóctonos.

Neste sentido, apelaron ao chamamento a buscar consensos políticos "afastados da demagoxia" que permitan pór en marcha proxectos que aproveiten os recursos naturais para reivindicar o potencial mineiro do territorio.

"Galicia necesita unha aposta clara por novos proxectos industriais, entre os que non se debe esquecer a minaría", sinala Manuel Regueiro, presidente do Colexio.

A delegación do Colexio de Xeólogos en Galicia elaborou un plan con 21 medidas para unha política xeolóxica galega onde a minaría é un alicerce central.

"Galicia ten un gran potencial mineiro que pode servir para crear emprego, fixar poboación e desenvolver tecnoloxías mineiras respectuosas coa contorna", lembra Manuel Regueiro.