Por E.P. | A CORUÑA | 17/02/2020 | Actualizada ás 18:43
Traballadores de Ferroatlántica de Cee e Dumbría iniciaron este luns un calendario de mobilizacións para esixir que se retome a "actividade normal" nos fornos destas instalacións, ademais de para esixir un "plan de viabilidade".
O presidente do comité de empresa, Alfonso Mouzo, asegurou que a protesta, cunha concentración ante as instalacións de Brens, en Cee, busca "esixir á Xunta que nos dea un plan de viabilidade". "E que nos clarifiquen que tipo de acordo e contrato teñen", dixo sobre a propietaria.
Mentres, cuestionou a paralización dun forno en Cee e o que "o resto de fornos estean a un 30% da produción", dixo rexeitando os argumentos da empresa. E é que, segundo explicou, por parte da mesma atribúese esta situación á "crise mundial do aceiro e que non saíu ben na última poxa" de poxa eléctrica.
Por outra banda, explicou que desde a Xunta se lles comunicou que solicitaron un plan de viabilidade á empresa, pero que esta lles trasladou "que non tiña que dalo". "Déronlles un plan de investimentos, que farían se se dan unha serie de circunstancias", apostilou.
Ademais de convocar as concentracións, en luns alternos a partir das 17,15 horas --a próxima será o 2 de marzo--, o comité remitiu un escrito a Augas de Galicia para que informe "de todos os procesos administrativos que puidese abrir por mor da operación de venda que Ferroatlántica acordou con TPG-Ithaka".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.