O Concello de Avión celebra a súa tradicional festa mexicana
A festividade xurdiu como unha homenaxe a todos os emigrantes e, dun modo especial a México, principal país receptor de veciños de Avión.
Por E.P. | OURENSE | 09/08/2019 | Actualizada ás 21:05
O concello ourensán de Avión celebra este venres a XV edición da súa tradicional Festa Mexicana. A praza da Igrexa vestiuse cunha pequena mostra da infinidade de tradicións e misterios que envolven a cultura mexicana. A festividade xurdiu como unha homenaxe a todos os emigrantes e, dun modo especial a México, principal país receptor de veciños de Avión.
A festa reuniu este tarde por centos de emigrantes residentes en diferentes puntos de España e o principal atractivo foi a comida de catro do mellores restaurante mexicanos de Galicia: Chilam-Balam, de Vigo; Mesón Mexicano; de Pontecaldelas; Recuncho Azteca, do Carballiño e o Mexicano Taco Bar, da Coruña. A oferta gastronómica é "case, case como a de México", confesaron unha parella de amigas mexicanas agora instaladas en Ferrol que dixeron vir á festa mexicana "sempre que poden".
Ana Luisa Velázquez é mexicana e reside desde hai dez anos en Madrid, segundo contou a Europa Press atopar esta festa en Galicia é "o mellor regalo" que lle podían facer. "Sendo mexicana anhelas ver a túa cultura", dixo. Ademais, para Velázquez e a súa familia o mellor desta festa son as actuacións dos mariachis, nesta ocasión Leonardo Flores e Acapulco foron os artistas invitados.
Na celebración tampouco faltou unha piñata con forma de torta para celebrar os XV anos da festa. Ademais, a boca a boca fixo moi popular esta festa pola habitual visita de grandes magnates como é o caso de Carlos Slim. Con todo, este ano os veciños comentaron que Slim, uns dos homes máis ricos do mundo, non aterrou por vacacións en terras galegas.
