Antón Lopo, pregoeiro da XXIV Mostra de Viños de Pantón

Nove adegas da D.O. Ribeira Sacra da subzona da Ribeira do Miño estarán representadas nesta edición.

Por GC Tendencias | Ferreira de Pantón | 10/05/2017

O Concello de Pantón está situado no sur da provincia de Lugo, na Ribeira Sacra, e os seus límites veñen marcados polos ríos Miño, Cabe e Sil feito polo cal se lle vén chamando a “Mesopotamia galega”. A capital do concello é Ferreira de Pantón, vila que acollerá os días 13 e 14 este certame vinícola que vai collendo prestixio na contorna e que dende o ano pasado coincide coa celebración da Romaría-Festa da Empanada. Este encontro festeiro gastronómico terá lugar o sábado e para incentivar a participación colectiva o concello ofrece 3 premios para os asistentes que máis se involucren. Así, pois, haberá un premio para o grupo máis numeroso, outro para a cuadrilla coa camisola máis orixinal e un terceiro para o colectivo que sexa máis festeiro.
 
A inauguración será o sábado 13 ás 13.00 h e correrá a cargo de José Manuel Balseiro Orol, Delegado da Xunta de Galicia na provincia de Lugo. A música vai estar moi presente nesta edición, pola mañá o recinto feiral estará amenizado polas charangas NBA e Mekánica e xa pola tarde o protagonismo neste sentido correrá a cargo do grupo de percusión e batucada Trópico de Grelos. Para xantar, o dito, II Festa da Empanada e no mesmo recinto festivo haberá onde mercalas e onde situarse para dar conta delas acampañadas dun bo Ribeira Sacra.
 
Xa pola noite, concertos a partires das 23.00 h. O grupo revelación destes últimos anos, sobre todo nesta zona, os Gin Toni’s, ofrecerán o seu clásico repertorio de música pop e rock dos 80 e 90 para a delicia de asistentes e xa numerosos fans. A continuación, o grupo Riff Raff ofrecerán versións de AC/DC. Esta formación é considerada unha das mellores bandas do panorama nacional que versionan ao mítico grupo heavy.
 
E para o domingo salientar o pregón do escritor e tamén editor monfortino, Antón Lopo, programado para as 13.00 h. e a continuación concerto da Banda de Gaitas do Castro de Ferreira que tamén repetirá pola tarde. Durante todo o día actuarán polas rúas de Ferreira as charangas Europa e Nova Terra de Trives. Pola noite baile amenizado pola orquestra Poceiro.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



A banda Riff Raff