Monforte xa promociona a súa Feira Medieval

A XV edición terá lugar o 15 e 16 de abril e aumentará o espazo dedicado ás actividades. Dada esta efeméride, dende o concello xa se pensa en pedir o recoñecemento de Festa de Interese Turístico Nacional para o ano.

Por X.M. Fernández | Monforte de Lemos | 10/03/2017

 

O Alcalde, José Tomé, deu a coñecer esta tarde a campaña promocional que o Concello ten en marcha para darlle a máxima difusión posible á Feira Medieval, que se vai celebrar coincidindo coa Semana Santa. Durante a roda de prensa o rexedor estivo acompañado da concelleira de Cultura, Marina Doutón, do produtor Iván Patiño, e do deseñador do cartel Xosé Quiroga, autores estes últimos do vídeo e cartel que promocionais do evento.

“Queremos conseguir a máxima difusión da XV edición da Feira Medieval para que o evento siga medrando”, explicou o mandatario local, “por este motivo, o que facemos é adiantar aínda máis a promoción dos tempos da feira para chegar a máis xente doutras vilas e cidades, e polo tanto, que sexa máis coñecida e que a xente poida incluíla dentro da súa programación de descanso e de ocio nas vacacións da Semana Santa”.

Para esta edición solicitaron xa participar neste evento máis dun cento de postos, a cifra máis alta dende que se celebra a Feira, dato que demostra a traxectoria e consolidación do evento.

O Alcalde adiantou tamén que ese ano aumentarase o espazo que vai ocupar a Feira Medieval, que vai ter o mesmo que tivo o ano pasado pero, a maiores, recuperará a zona do cárcere vello e a rúa Falagueira aproximadamente ata a metade e tamén a rúa Pescaderías, para poder desenvolver alí actividades.

Vídeo e cartel para a promoción da Feira Medieval

O vídeo que se presentou hoxe foi realizado pola produtora monfortina Amanita Films e as imaxes foron filmadas durante a Feira Medieval do pasado ano. Segundo nos conta o produtor Iván Patiño, “nesta ocasión quixemos facer algo diferente e incorporamos novos recursos, como é o caso do dron, as cámaras lentas ou os gimbals para construír un relato moito máis heroico. O noso obxectivo era conseguir algo dinámico e tamén épico que estivera á altura dun dos acontecementos máis importantes de Monforte”. Así mesmo quixo agradecer o traballo dos cámaras pero especialmente doutros dous monfortinos, o do montador, Carlos Álvarez  e o do compositor da banda sonora, obra de Fabio González. O vídeo promocional vaise difundir a través do mupi do Cardeal, do facebook do Concello e tamén dende a web do Eixo Atlántico. Este organismo vaise encargar de distribuílo ós 38 concellos que conforman a Eurorrexión Galicia-Norte de Portugal.

O autor do cartel, o monfortino Xosé Quiroga, destacou que o motivo principal do deseño é a Tau, moi arraigada na historia de Monforte e que foi principalmente o seu escudo durante moito. Tamén referiu que no deseño quixo facer unha chiscadela á tradición da fabricación da seda.

Para rematar, Tomé engadiu que este ano vaise reforzar a publicidade do evento, haberá insercións publicitarias tanto en medios locais como provinciais e autonómicos, tanto nos nos xornais como nas emisoras e aproveitaranse as Feiras do Viño dos concellos veciños para poñer bandeirolas.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

1 comentario
1

Miguel D

O cartaz pon 15 e 16 de abril de 2017 mentres que o titular do inicio pon 14 e 15. Cal é a data que está ben?

1 resposta
1

Por Xoseman: Desculpa Miguel. Está corrixido, houbo erro inicial nas notas de prensa. 15 e 16 son as datas correctas.


Presentación da Feira Medieval de Monforte / X.M. Fernández