Todo listo para a 35ª Feira do Viño de Chantada

Do 10 ao 12 terá lugar o primeiro gran encontro enolóxico-festivo do calendario de feiras que exaltan os caldos da Ribeira Sacra.

Por GC Tendencias | Chantada | 10/03/2017

Este ano hai que destacar o incremento na participación de adegueiros, un total de 16, 3 máis que nas últimas edicións. No recinto feiral tan coñecido xa polos bocois que fan as veces de stands poderanse degustar e mercar os caldos da zona ao tempo que se goza como sempre dun gran ambiente festivo que fai posible a boa predisposición da xente e a calidade musical dos grupos tradicionais e charangas que alí se dan cita.

O pregoeiro escollido este ano foi Bieito Rubido, Director do xornal ABC dende o 2010 e coñecido colaborador en tertulias de medios como a 1 de TVE e Onda Cero. Segundo nos conta Manuel Diéguez, este galego de Cedeira que fixo carreira en Madrid, coñeceu hai moi pouco tempo a zona ao visitar unha adega e a partir desta casualidade xurdiu a proposta para vir pregoar. O pregón será o domingo 2 ás 13.00 h. no escenario que se instala sempre no recinto feiral e a continuación dos saúdos institucionais.

Como cada ano, non faltarán a feira de oportunidades, o mercado de artesáns e produtos autóctonos e o mercado gandeiro, todos moi céntricos e próximos ao centro neurálxico desta Feira do Viño. E para amenizar a estancia dos visitantes a ambientación musical non pode faltar, mantendo neste caso o concello a filosofía de apostar por charangas de nivel como a NBA ou Os Festicultores  e polos grupos de música tradicional. Especial preocupación neste caso por poñer en valor a tradición musical de Chantada coa posibilidade de ver este ano o grupo Os Frades do Convento, Searas, a Banda de Música e a Escola Tradicional de Música de Chantada e a Banda de Gaitas do Concello.

Este ano preséntase tamén como novidade unha interesante opción de lecer divulgativo para os nen@s maiores de 3 anos. O sábado haberá obradoiros e ocioteca infantís na Casa da Música en horarios de 12.00 a 14.00 pola mañá e de 16.00 a 20.00 h pola tarde. Os obradoiros estarán relacionados co coñecemento do sector vinícola e adaptados, claro está, aos máis pequenos.

O concello aproveita tamén a ocasión para dar visibilidade con diferentes stands á Asociación Amigos do Folión de Carros, a Televinte, a unha iniciativa solidaria dos Clubes de fútbol e básket e tamén á concellería de Turismo que vén de presentar recentemente un vídeo promocional baixo o lema “Só faltas ti” para potenciar os valores turísticos do concello.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Recinto feiral. Foto Chery.