Galicia, capital dos contos por cinco días

O Festival Atlántica celebra cinco anos con actuacións en toda Galicia. A quinta edición vai ser entre o 15 e o 19 de marzo e desenvolverase nos concellos de Santiago de Compostela, A Coruña, Ourense, Vigo, Ferrol, Lalín e Teo.

Por GC Tendencias | Compostela | 16/02/2017

Os contos volverán ser protagonistas da cultura do país o vindeiro mes de marzo. O Festival Atlántica vén de anunciar a programación da súa quinta edición, que se vai celebrar entre os días 15 e 19 de marzo. 
 
Os cinco anos de vida de Atlántica coinciden coa súa ampliación xeográfica, un feito que a directora do festival, Soledad Felloza, sinalou durante a súa intervención cando destacou que “este é o ano da consolidación do Festival Atlántica, pero tamén é o dun importante salto adiante, ao chegarmos a toda Galicia” e que se trata “dun dos poucos festivais escénicos con sedes en toda a comunidade”. 
 
O intenso traballo en rede desenvolvido vai significar “que os concellos colaboradores poderán acceder a grandes artistas cunha achega económica modesta”, xa que que levará “case 40 espectáculos en 5 días para todos os públicos”, indicou.  Ademais, fieis ao espírito do festival, a programación contará con novo contadores de países con ribeiras no océano Atlántico –Brasil, Portugal, Uruguai- e convidados doutros mares –Alemaña e Alacant- amais da representación galega. 
 
“O festival é a cabeza dunha rede de Festivais do Atlántico que involucra tamén a Madeira, aos Azores, a Lisboa e á Bretaña francesa”, destacou Felloza. Tamén anunciou que este ano “o Festival Atlántica lle outorga a súa Cornamusa de Honra ao Museo do Pobo Galego, por gardar durante corenta anos a memoria de Galicia”.
 
Un festival para todos
 
Como en edicións anteriores, Atlántica volve programar actuacións para todos os públicos e haberá de novo espectáculos para adultos, mais tamén para cativos, que se van desenvolver nas escolas e nos centros socioculturais dos concellos participantes. Ademais, estas últimas actividades van ser gratuítas por mor da colaboración dos propios centros. O carácter inclusivo do festival reafírmase coas sesións de contos para bebés e co espectáculo en lingua signada, unha novidade da pasada edición que volve este ano.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Presentación da 5ª edición do Festival Atlántica. Na mesa, de esquerda a dereita, Pilar Faxil, concelleira de Cultura e Educación de Teo; Marta Lois, concelleira de Igualdade, Desenvolvemento Económico e Turismo de Santiago de Compostela; Soledad Felloza, directora do Festival Atlántica; Suso Basterrechea, concelleiro de Cultura, Educación, Deportes, Turismo, Festas e Universidade de Ferrol; e Lara Rodríguez, concelleira de Cultura de Lalín.