Que fago eu aquí... coma un imbécil?

Xosé A. Touriñán interpreta esta fin de semana en dúas localidades o cómico "Monólogo do imbécil", premio MAX de Teatro 2003 ao Mellor Texto en Lingua Galega, de José Prieto.

Por GC Tendencias | Vigo | 18/01/2017

A representación protagonizada polo famoso cómico galego terá lugar no Teatro Afundación de Vigo o próximo venres 27 de xaneiro. As entradas xa están a venda dende só 10,8 euros máis gastos en Ataquilla.com. A actuación comezará as 20:30 horas. Haberá outra representación en Vilgarcía de Arousa, o 28 de xaneiro, a partir das 21 horas.
 
O ‘Monólogo do imbécil’ é un unipersoal no que se elabora a biografía dun home desde o momento da cópula dos seus pais, aló polo ano sesenta, ata agora mesmo. Un individuo que ante o absurdo da súa vida e do momento histórico que lle toca vivir séntese desprazado unha e outra vez.
 
Ao protagonista, Santi todo lle sae mal. El procura comportarse coma os demais, ten ilusión por ir á escola coma todo o mundo, por ter un traballo coma todo o mundo e casar cunha rapaza coma todo o mundo, pero sempre sucede algo que acaba deixándoo con cara de parvo.
 
É certo que ten unha tendencia a estar sempre nas nubes. E ás veces queda parvo mirando a ningures. E pensa: 'Que fago eu aquí... coma un imbécil'.
 
Así que un día decide mirar atrás na súa biografía para ver de buscarlle o sentido ás cousas, e remóntase ao momento mesmo da súa concepción e aínda máis, a cando só existían un espermatozoide algo parvo e un óvulo despistado, e comeza a falalo todo desde o principio ata o preciso momento en que llo conta ao público.
 
Unha autobiografía surrealista, tenra, cómica e fantástica coa que todo o mundo acaba identificándose.

Compra as túas entradas en ataquilla.com

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Touriñán en Monólodo do Imbécil /emedous.com