A "superprodución" da Voz sobre o Camiño chega á TVG

A serie, que tamén emitirá Televisión Española, está producida pola filial da Voz de Galicia, Voz Audiovisual. Malia seren entes públicos, non se coñecen o prezo que pagan pola serie, que en todo caso preséntase como unha das máis ambiciosas da historia do audiovisual galego.

Por GC Tendencias | Santiago de Compostela | 11/01/2017

A Televisión de Galicia estrea este martes ás 22.15 h. “O final do Camiño”, primeira "superprodución" que recrea os convulsos anos da construción da catedral de Santiago, entre 1075 e 1120, a través da vida de tres irmáns e as súas relacións con distintos personaxes históricos.

Argumento de O final do Camiño

A serie arranca en Catoria, logo de que un ataque sarraceno arrase a vila. Gonzalo, de 14 anos, consegue salvar ao seu irmán Estevo, de dez, pero non pode impedir o asasinato da súa nai nin o secuestro do seu irmán Pedro, de 12, por guerreiros musulmáns. Os dous cativos viaxan cos superviventes do ataque a Santiago, onde se está a construír a catedral.

Dez anos despois, Estevo traballa como aprendiz baixo as ordes de Bernardo o Vello nas obras do templo, que xa toma forma. Soña con ser construtor, pero parece carecer de talento necesario, ata que un misterioso monxe lle comeza a facilitar solucións arquitectónicas nunca vistas. Gonzalo, pola súa banda, é xefe da Garda do bispo de Compostela, Diego Peláez, e está casado con Elvira, a boticaria da cidade. Pese ao ben que lle van as cousas, non se libra da culpa de ter abandonado ao seu irmán Pedro. Porén, a chegada á cidade da raíña Constanza cambiará a súa vida e a historia. A raíña viaxa a Compostela para conseguir a prata da cidade e, con ela, axudar a Afonso VI no sitio de Toledo e tamén para informar a Gonzalo de que o seu irmán está vivo e preso alí.

Pola súa banda, a súa muller terá que facer fronte aos intentos de Tomás por controlar os negocios relacionados co hospital en que traballa Elvira. O comerciante controla pola forza todos os negocios dunha próspera Compostela, que comeza a recibir peregrinos e non deixa de crecer.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Fotograma de O final do Camiño /crtvg.gal