Lisboa maravilha

Unha cidade para todos os petos, metrópole de referencia para os galegos. En Lisboa estamos na casa...

Por Homo ambulans - Guido Álvarez | Lugo | 08/12/2016

552139_396151673825712_999837618_n

Praça do Marquês de Pombal, avenida da Liberdade e o río Tejo (Foto: Guido Álvarez Parga)

Tras 6 días por Lisboa non deixo de preguntarme como é que, en tantos anos de vida, tendo viaxado bastante por Europa, e sendo profeso admirador da cultura dos nosos irmaos do sur, nunca antes lle adicara un tempo así a esta marabillosa cidade. Supoño que as cousas aparecen sempre ó seu momento...

Sabendo que ía contar cunhas semanas libres tras un ano intenso de traballo, decidín organizar unha viaxe “aventura solitaria” das que sempre fixen, pero que desde Berlín 2013 non fixera máis... qué acerto incluír a Lisboa nesta ocasión!

Collín 3 voos de Ryanair por 81 € (Santiago-Barcelona, Barcelona-Dublín e Dublín-Lisboa) e deixei liberdade para ese regreso dende a capital lusa, finalmente con Blablacar (por 42 € directo ata Lugo) e 6 días despois da miña aterraxe lisboeta.

Esa “case semana” vivín (hospedarse quédase curto como verbo) no mellor hostel no que estiven na miña vida: o Lisboa Central Hostel, que se atopa na zona da Praça do Marquês de Pombal. Unha casa feita a medida para viaxeiros! Todos os detalles son perfectos, mostra de que quen o creou era/é unha persoa mochileira. As camas, os armarios, as duchas, a cociña, os almorzos, as sopas e sandwiches gratuitos... paraugas, wi-fi,  visitas guiadas, ordenadores modernos... e un equipo de traballadores especialmente impresionante.

 

552139_396151673825712_999837618_n


Unha das rúas da capital portuguesa / Guido Parga

A fortuna de ter o tempo como para poder improvisar movementos axudoume enormemente a desfrutar de Lisboa co cariño que merece. O martes 29 aterrei moi canso dende Dublín (o voo saiu de Irlanda ás 6h00), pero aínda así a emoción tiroume para arriba, e esa mesma tarde comezaron os paseos e as primeiras fotos polos barrios máis céntricos.

 

552139_396151673825712_999837618_n

Vistas dende o jardim do Torel (Foto: Guido Álvarez Parga)

O mércores 30 foi O Día con maiúsculas! Todo comezou cun free tour da empresa Discover Lisbon (que traballa conxuntamente co hostel) e acabou cun grupo de whatsapp que duraría toda a viaxe. Un grupo multicultural dunhas 15 persoas coas que desfrutamos do barrio da Alfama, comemos nun restaurante “portugués portugués” (Santa Rita Restaurante) e acabamos bailando e tomando algo pola noite en Chiado e no Bairro Alto.

 

552139_396151673825712_999837618_n


Free tour por Lisboa coa empresa Discover Lisbon

O 1º de Dezembro foi un día relaxado no que tiven a sorte de presenciar o Desfile Nacional de Bandas Filarmónicas conmemorando a restauración da independencia portuguesa en 1640. Tomei un excelente café na rúa da Boavista, e rematei o día cunhas amigas vendo unha interesante película francesa (Elle, 2016)... por suposto en versión orixinal!

Desfile Nacional de Bandas Filarmónicas "1º de Dezembro". Comemoração da Restauração da independência portuguesa en 1640

 

O venres 2 aproveitei para visitar Sintra (Patrimonio da Humanidade UNESCO dende 1995) e alí quedei fascinado pola beleza natural do enclave e polos característicos xardíns, bosques e edificacións... pazos e castelos que se remontan en moitos casos a máis dun milenio de historia! Subín polas montañas nos míticos tuk tuk... toda unha experiencia!

552139_396151673825712_999837618_n

 Os tuk tuk de Sintra! (Foto: Guido Álvarez Parga)

Logo chegou a fin de semana! Últimas 48 horas antes de regresar a Lugo co Blablacar. Dous días que aproveitei para relaxarme, desfrutar dos praceres lisboetas, e finalmente visitar Belém. Qué lindo, Belém! Cheo tamén de monumentos, e con 

Un grande final para unha viaxe (Barcelona, Dublín, Belfast, Lisboa) da que agardo contarvos máis cousas próximamente... saudades!

Álbum completo de fotografías de Lisboa:https://www.flickr.com/photos/guidoalvarezparga/albums/72157675846301491

 

Guido Álvarez Parga (Lugo, 1985). Guía Oficial de Turismo de Galicia. Diplomado en Turismo, máster en Planificación e máster internacional en Paisaxes Culturais. Percorrido formativo e laboral en varios países europeos (Francia, Alemaña, Italia e Reino Unido).

www.guidoalvarezparga.com

Twitter: @guidoalvarezp / Facebook:guidoalvarezp / Flickr: guidoalvarezparga

Máis artigos de Guido Álvarez aquí.

 

 

 

 

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Praça do Marquês de Pombal, avenida da Liberdade e o río Tejo (Foto: Guido Álvarez Parga)