Curso de ilustración editorial no MAC da Coruña

O ilustrador e historietista Alejandro Viñuela Agra, 'Jano', imparte o curso no Museo de Arte Contemporánea Gas Natural Fenosa, entre o 18 de outubro e o 29 de novembro.

Por GC Tendencias | Santiago de Compostela | 11/10/2016

Alejandro Viñuela Agra, coñecido no mundo da ilustración como Jano, impartirá un curso de ilustración editorial no Museo de Arte Contemporánea Gas Natural Fenosa da Coruña, entre o 18 de outubro e o 29 de novembro.

A partir dun conto, unha canción ou unha columna de opinión realizarase un proxecto de ilustración que acompañe e complemente dun xeito claro e atractivo a peza de texto. Así, os alumnos adaptarán a imaxe ao formato e tamaño apropiados, estudarán as súas posibilidades narrativas e escollerán as técnicas e recursos que mellor se adapten ás necesidades expresivas.

O programa de contidos inclúe o estudo das principais figuras e influencias na ilustración moderna, antecedentes históricos e referentes contemporáneos. Diferentes tipos e usos da ilustración (cartelería, packaging, estampa…). O curso tamén se centrarrá en desenvolver as capacidades necesarias para a síntese e traducción das ideas á linguaxe gráfica, na adquisición de habilidades básicas para a construcción de imaxes, incluíndo a aprendizaxe do método, dende o boceto ata a arte final. Os alumnos, ademais, aprenderán sobre a teoría da cor, incuíndo os seus usos narrativos e efectos na percepción psicolóxica, e aprenderán o uso de ferramentas de infografía dixital, cunha introdución aos programas Photoshop, Illustrator e Manga Studio.

O traballo dividirase en distintas fases. A primeira, a lectura do texto que se empregará para elaborar a imaxe, ademais da análise para determinar as ideas principais que servirán como punto de partida. Logo, o brainstorming, coa sintetización das ideas principais do texto e a elaboración de tres bocetos, entre os que se escollerá o que máis se axuste e represente a esencia do escrito. Posteriormente chega a fase de elección da linguaxe apropiada para darlle forma, é dicir, técnica e estilo, establecendo unha relación entre o concepto da imaxe e o seu aspecto formal. Na seguinte fase iníciase a construción de recursos gráficos por medio de técnicas manuais, para o cal é necesario o estudo e aprendizaxe dos diferentes elementos que construen una ilustración, como tipos de liñas, fondo e figura, e cor e textura. Por ùltimo, chega a elaboración da imaxe final, é dicir, como presentar una ilustración para a súa reproducción, para o cal se teñen en conta aspectos técnicos, como mandar un arquivo á imprenta.

PERFIL DO ALUMNADO E DO PROFESOR

O curso está dirixido a calquer persoa creativa interesada na ilustración, con curiosidade por coñecer o proceso de traballo para representar ideas con imaxes, dende principiantes ata xente máis experimentada con interés por aprender novos camiños.

Hai 15 prazas dispoñibles e un formulario para facer a solicitude para este curso, que ten un custo de 60 euros para seis sesións cun total de 12 horas. As solicitudes poden presentarse até o 13 de outubro.

As clases serán impartidas por Alejandro Viñuela Agra, máis coñecido como Jano, ilustrador, historietista e deseñador gráfico, licenciado en Belas Artes pola facultade de Pontevedra.

Con máis de 15 anos de experiencia en diversas empresas e diferentes eidos, desde o deseño textil ata traballos de pre-impresión e reprografía, nos últimos anos a súa actividade profesional centrouse en encargos de ilustración para editoriais como Ir Indo, Alfabia, MTM ou entidades como a Fundación Barrié ou A Mesa.

“A ilustración ten que ser un reflexo do tempo que nos toca vivir, os profesionais debemos ser testemuñas dos acontecementos que suceden ao noso arredor e ser quen de representar o momento histórico en toda a súa dimensión, buscando a emoción do espectador", explica Jano.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Ilustración de Jano para o curso que imparte no MAC da Coruña / Museo de Arte Contemporánea Gas Natural Fenosa.