Aqueles días nos que eramos malas

Unha novela de personaxes, feminista e una radiografía dos problemas sociais. Así se define a nova novela de Inma López Silva, "Aqueles días nos que eramos malas", editada por Galaxia e que supón unha mirada intimista sobre catro mulleres que pasan os seus días no cárcere da Lama. Unha monxa, unha puta, unha moza colombiana e unha funcionaria de prisións lembran eses días do pasado, as reviravoltas das súas vidas ata chegar ao cárcere. Mesturadas coa voz confesional de Inma, atopamos experiencias e circunstancias, recordos e vivencias, que fan que se humanice a estas mulleres.

Por A arte é azul - Tensy Gesteira | Bueu | 05/08/2016

552139_396151673825712_999837618_n

É esta unha novela coral, na que se alternan diferentes historias que se presentan a modo de radiografía do mundo actual, no que as mulleres teñen moito que dicir. Neste senso, resulta imposible non lembrar Los besos en el pan, última novela de Almudena Grandes na que vai contando os efectos e causas da crise económica por medio de diversas historias de xente do común. Tamén rememoramos Nosotras que nos queremos tanto, de Marcela Serrano, xa que a voz intimista e esa amizade que se crea entre as mulleres nas malas circunstancias tamén son o caldo de cultivo da novela de Inma López.

Teño que dicir que é unha novela longa, pero que namora, que tece as vidas de Margot, Valentina, Sor Mercedes, Laura e Inma, que simbolizan a moitas mulleres do pasado e dos nosos días. 

“Aqueles veráns eran marabillosos, inmensos, interminábeis. Eran veráns sen horarios, de enormes soles que parecían pintados no ceo azulísimo dun debuxo infantil. Percorriamos grandes distancias en bicicletas brillantes, vibrantes, e neles a vida reducíase, ao principio, a xogar coma se nos obrigase unha sorte de serios gardas da felicidade infantil, para ir dando paso progresivamente a un letargo no que consumiamos as tendencias de moda dos noventa, o pop – rock e o amor en revistas cargadas de fotos en videoclips”.

Cantísimo me gustou esta novela, que forma de narrar tan profunda, tan dos pequenos detalles. Xa lera a súa obra Concubinas, coa que obtivo o Premio Xerais no 2002, e esta fíxome refrendar que a literatura galega ten moi boa representación nesta autora polifacética, que destaca na novela, no ensaio, na crítica teatral, nas columnas dos xornais... e que ten no seu haber numerosos premios como o Blanco Amor, o Bispo San Clemente e o da Asociación de Escritores en Lingua Galega.

Ficha técnica

Título: Aqueles días nos que eramos malas

Autora: Inma López Silva

Ano de publicación: 2016

Editorial: Galaxia

Número de páxinas: 422


Tensy Gesteira

Tensy Gesteira, xornalista e redactora no blog de literatura Lecturafilia, creado en 2013. Son das persoas que penso que unha vida se explica a través da cultura que te acompaña nela, e por iso me rodeo de infinitos libros, son una bibliófila que le en cada oco que ten libre, e que goza compartindo impresións cos demais. Nesta sección atoparedes un pouco de min, dese pouso que os libros deixan, e sobre o que estes me fan reflexionar.
linkedin.com/tensygesteira
facebook.com/tensygesteiraestevez
twitter.com/tensygesteira

 

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe