Que fai que un obxecto cotián se converta nun heroe oculto?

Rodéannos centos de utensilios que foron fabricados millóns de veces e que, en esencia, permaneceron inalterables durante décadas e mantido o seu valor e relevancia de forma incuestionable. Son clásicos cotiáns, pero que, en tanto que produtos industriais, encarnan ideais da modernidade sen data de caducidade: economía de materiais, funcionalidade e durabilidade.

Organizada pola Obra Social "a Caixa", Heroes ocultos. Inventos xeniais. Obxectos cotiáns, reivindica ante o público xeral o legado de inventores descoñecidos, achéganos ás súas creacións e analízaas baixo catro aspectos: innovación, produción, evolución e inspiración.

Cunha formulación pedagóxica e dirixida a fomentar a creatividade e recoñecer a importancia do emprendimiento, a mostra propón tres itinerarios: tecnolóxico, artístico e histórico-social en torno a 27 destes obxectos cotiáns que se converteron en imprescindibles no noso día a día. Cada un destes itinerarios conta con recursos para que o profesorado e os alumnos poidan sacar o máximo proveito á experiencia.

A historia que permiten extraer interesantes conclusións sobre acertadas estratexias creativas e empresariais, ou sobre como o azar converteu en produtos masivos e de éxito inventos que foron concibidos como algo completamente distinto. Para a súa exhibición en España, a mostra tamén revela que se esconde detrás de obxectos como o abano ou o porrón.

Heroes ocultos. Inventos xeniais. Obxectos cotiáns. Lugar: Colexio de Fonseca (praza de Fonseca, s/n) de Santiago de Compostela. Datas: do 6 de xullo ao 29 de agosto de 2012.

Organización e produción: exposición do Vitra Design Museum en cooperación con Hi-Cone, producida e organizada pola Obra Social "La Caixa", coa colaboración da Universidade de Santiago de Compostela e o Departamento de Educación do Concello de Santiago. Comisariado: Jochen Eisenbrand e Laura Hompesch, conservadores do Vitra Design Museum.