GC Aberto

Eclipsar a PODEMOS

Os medios de información que habitualmente cargan tintas contra Podemos, fano coa astuta intención de favorecer cos seus embates a continuidade da ortodoxia neoliberal, para que así os mercados sigan tutelando a función política e posibilitar contra toda racionalidade que o impropio siga sendo o correcto.

Por galdo1950 (http://galdo-fonte-xm.blogspot.com/) | GC ABERTO | 12/03/2019

Comparte esta noticia

Carolina Bescansa, Pablo Iglesis e Íñigo Errejon, na dirección de Podemos cando había boa sintonía entre eles
Carolina Bescansa, Pablo Iglesis e Íñigo Errejon, na dirección de Podemos cando había boa sintonía entre eles | Fonte: voxpopuli

Estamos na era dos mass media, unha época na que os medios de información teñen atribuída a condición  de  “cuarto poder”  e tal situación de privilexio é utilizada con a teórica finalidade de informar á sociedade, pero non de forma neutral, senón con a influencia e persuasión que lles facilita a súa condición de titulares destes resortes divulgativos, o que vén evidenciar a nula independencia e exigua fiabilidade do seun modus operandi. . 

 

É por iso que na súa xeneralidade a información que emiten os distintos medios ( prensa , radio, televisión e mesmo Internet) máis que axustarse ao veraz atende a estratexias predeterminadas que habitualmente,-á marxe de puntuais excepcións-, patrocinan posicións políticas ou económicas proclives coa liña editorial de pertenza , por iso é polo que no actual contexto ao non existir regras nin control sobre o seu labor , lonxe de desempeñar un papel crucial que favorecese o normal funcionamento do Estado de Dereito e a Democracia, sexan un apéndice mais do complexo armazón neoliberal.

 

 Podéndose afirmar por tanto que por factores de interrelación e dependencia o “cuarto poder” fallou estrepitosamente no exercicio da súa función, e todo por eludir o seu rol en prol da liberdade persoal e social, un obxectivo para o que debe garantirse en todo momento un absoluto recoñecemento entre a liberdade de prensa e o dereito da sociedade para estar informada de xeito fiable; unha finalidade de inalcanzable consecución, especialmente cando a imposición do pensamento único e a crecente fusión das comunicacións vén indicar xusto o contrario.

 

A carencia de neutralidade é a uniformidade que manteñen estes medios de comunicación de masa, demóstrana cando chegada a hora sortean toda disensión editorial para agruparse en bloque e en unidade de acción defender sen fisuras os fundamentos do neoliberalismo como obxectivo, ao que ademais de enxalzar como única solución catalogan de insubstituible.

 

Chegado a este punto ,sabendo ademais que en España, os grandes holdings da información están na súa gran maioría controlados pola banca, multinacionais e construtoras, con moitos dos seus dirixentes implicados en tramas de corrupción, e engadindo a iso o acentuado neoliberalismo que caracteriza o seu perfil ideolóxico, é fácil deducir o porqué da permanente campaña de hostilidade desatada desde esa órbita mediática contra Podemos, sen tan sequera gardar as formas nin as normas mínimas de profesionalidade xornalística.

 

Non é de recibo que os mass media que de forma anómala mantiveron desde o 78 plena influencia sobre a función política, agora ante a culminación dun cambio de rumbo, en alianza de intereses co “ trifascito” utilicen a presión mediática facendo de PODEMOS o "chivo expiatorio" das súas intrigas, utilizando a manipulación informativa como arma de adoctrinamiento dos suxeitos fiadores da súa estratexia, nun intento de manter a súa xerarquía e evitar con iso todo mudanza na configuración política.

 

Desde o establishment mediático debesen asumir dunha vez por todas que por mais campañas de acoso e derriba que utilicen e manobras demoscópicas que empreguen, contra toda ofensiva e adulteración  a subida electoral de Podemos manterá a súa tendencia ascendente, non tan só pola súa consecuente traxectoria política , senón tamén pola súa irrenunciable aposta cara a un modelo político máis social e democrático, e por tanto diametralmente oposto ao insoportable formato de democracia neoliberal e ao seu pernicioso orfeón de acompañamento.

 

Cando os terxiversadores mediáticos dedican asiduamente os espazos de portadas a noticiar como certas falsidades sobre Podemos ao tempo de acalar os excesos dos seus adversarios políticos como a delituosa actividade do PP que segundo fallo xudicial é unha banda organizada para depredar as arcas públicas utilizando o poder político; o que estes intrigantes tratan de conseguir coa súa interesada intoxicación é formatear a opinión pública mediante o continuo bombardeo nos seus medios de comunicación para lograr a través dun proceso amplo e sutil, que só sexa verdade o que eles ten establecido por verdade.

 

Para desgraza democrática a caverna mediática segue teimuda en manter o dominio da situación, sen que por iso a verdadeira liberdade de información poida facerse espazo fronte  a hexemonía destes medios que ao servizo da dereita máis recalcitrante tentan converter aos cidadáns en simples autómatas aos que uniformar en pensamento. 

 

 

Sendo hora de dicir basta á mentira e ao engano, para así rexeitar que outros pensen por nós, e desde a discrepancia a través da rede, establecer un debate critico e honesto para investir os termos da situación e garantir sen atrancos o cambio de rumbo que o futuro do país demanda. 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

O regreso de Pablo Iglesias vai ser interesante... especialmente agora que colleu forzas coa baixa por paternidade: Quen verdadeiramente manda neste pais nunca se presenta ás eleccións !!! E se alguén ten dúbidas que fale con Anxo Quintana que o aprendeu en vivo i en directo no despacho do propietario da Voz de Galicia (seica) !!!