O BNG alenta a participar no 28-A "coa cabeza en Galicia" para "recuperar a voz" no Congreso

"Se algo se demostrou nesta lexislatura é que se necesita a non subordinación ás forzas estatais", afirmou Ana Pontón.

Por E.P. | SANTIAGO DE COMPOSTELA | 17/02/2019 | Actualizada ás 13:39

Comparte esta noticia

A portavoz nacional do BNG, Ana Pontón, chamou á participación "coa cabeza e o corazón en Galicia" nas próximas eleccións xerais, que se celebrarán o 28 de abril, e destacou a necesidade de "recuperar a voz perdida" no Congreso español.

"Pídovos que participedes. Que participedes coa cabeza e o corazón en Galicia, porque o noso país non pode seguir vendo como, mentres temos graves problemas, rías sen depurar, mozas que marchan, dependentes sen atender, os gobernos de Madrid pasan olímpicamente dos problemas dos galegos e non nos traen solucións", sinalou Pontón.

Tal como asegurou o BNG nun comunicado, a portavoz nacionalista participou este domingo no acto de presentación do candidato á Alcaldía das Neves, Xosé Manuel Rodríguez, e subliñou que estas eleccións xerais son "unha oportunidade para recuperar a voz perdida" e para que Galicia "teña peso político".

"Para que nos escoiten necesitamos voz propia. Necesitamos, nun contexto sen maiorías absolutas, ter unha voz que defenda os intereses dos galegos e, se algo demostrou esta lexislatura, é que se necesita a non subordinación ás forzas estatais", indicou Pontón, quen engadiu que hai que pór fin "á discriminación que se viu de maneira tan evidente neste mandato".

ALCALDÍA DAS NEVES

Por outra banda, Pontón pediu o apoio para o candidato das Neves ás eleccións municipais para "seguir transformando o concello". Neste sentido, lembrou a "gran capacidade" de Xosé Manuel Rodríguez para xestionar a onda de incendios de 2017, "que afectou ao 90% do concello".

"A partir de maio queremos reforzar ese traballo para mellorar as condicións de vida de todos os veciños construíndo máis igualdade e benestar", sinalaron desde o BNG. Así, o candidato a revalidar a alcaldía das Neves lembrou que, desde o comezo do seu mandato, "o BNG apostou por recuperar a autoestima da cidadanía e pór As Neves no mapa".

A portavoz nacional do BNG, Ana Pontón, na rolda de prensa
A portavoz nacional do BNG, Ana Pontón, na rolda de prensa | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

1 Gamela

E non din nada da proposta de Villares para o Senado ?

1 Xanc

Proposta de Villares para o Senado? Agora que abandonan o barco os podemitas queren falar co Bloque usalo de flotador no previsible naufraxio da Marea. Pero non era o Bloque un partido vello, rancio, que ía de procesión o 25X (textualmente o dixeron Antelo e Ramón Veras), desnortado. Pois agora que vaia Villares chorarlle á Reboraina ao líder supremo Beiras ou ao caudillo de Galapagar. Galicia precisa ao BNG e agardo que leve moitos votos. O meu voto ao Bloque