División de En Marea no voto sobre os Orzamentos Xerais do Estado

Alexandra Fernández, afín a Villares, votou en contra, mentres que os deputados de Podemos, Izquierda Unida e Fernán Vello, de Anova, votaron a favor.

Por Galicia Confidencial | Madrid | 13/02/2019 | Actualizada ás 13:44

Comparte esta noticia

Alexandra Fernández foi a única deputada de En Marea que decidíu non apoiar os Orzamentos Xerais do Estado (PGE), que foron rexeitados pola maioría dos partidos no Congreso. Un voto que non secundaron os seus catro compañeiros de Podemos, Izquierda Unida e Anova, que decidiron votar a favor.

Alexandra Fernández
Alexandra Fernández

Luís Villares, líder de En Marea, dixera en varias ocasións que non se podían apoiar estas contas polo seu maltrato a Galicia. Un argumento que tamén defende o BNG, que non ten representación na Cámara española. E, precisamente, ese foi o motivo que moveu a Alexandra Fernández a votar contra unhas contas que considera "lesivas" para Galicia. Un xesto que non secundaron Podemos, Izquierda Unida e o seu compañeiro en Anova, Fernán Vello.

Tal e como se agardaba, non houbo sorpresa de última hora e o Congreso devolveu os Orzamentos ao Goberno. Foi cos votos das forzas nacionalistas e soberanistas cataláns, a pesar de que Unidos Podemos e o PNV tentaron até o último momento reconstruír o bloque da moción de censura

De feito, Compromìs solicitou que as emendas á totalidade presentadas por cada grupo se votaran por separado. Tentaba salvar as contas in extremis, pero até o propio Grupo Socialista situouse en contra desta petición.

O resultado da votación foi 191 votos a favor das emendas, 158 en contra e 1 abstención. A devolución dos Orzamentos ao Goberno foi apoiada por PP, Ciudadanos, ERC, PDeCAT, CC, UPN, Bildu e Foro Asturias. Tamén votaron en contra Alexandra Fernández, de En Marea, e a catalá Marta Sibina, de En Comú, que protesta polo bloqueo dos barcos de axuda humanitaria no Mediterráneo.

Xuntos sumaron 191 votos, mentres que o PSOE, Unidos Podemos, PNV e Compromís só reuniron 159 deputados en contra de derrubar os Orzamentos. O deputado de Nova Canarias, Pedro Quevedo, socio electoral do PSOE, abstívose.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 5 comentarios

5 Caldeiro

Oo ünico que me reconforta que cada vez falta menos para podermos reemplazar este grupo defectuoso por un verdadeiro grupo nacional galego do BNG.

4 Un galego

Galega, muller e con dignidade. Moi ben Alexandra.

3 Vox Onaro

Que bonito, la izquierda a tortas entre ellos como me contaba el abuelo.

2 Fran do Covelo

Moi ben polo deputado Miguel Anxo Fernández Bello [apelidos correctos, non como se difunde], obediente ao que lle ordenan no Grupo Confederal de Unidos Podemos- En Comú Podem-En Marea (GCUP-EC-EM) [nome do grupo certo, non o que acostuman publicitar]. Fai o que lle mandan, como sempre fixeron os bons deputados do PsoE e do PP, votando mesmo contra os intereses dos galegos e das galegas por un ben superior (a saber: do partido, de España ou do seu propio peto, pois é de ben nacido ser agradecido e recuncar nas listas presta á barriguiña). Dos demais mareantes non agardabamos menos, están para o que están... Acontece que o postureo destápase, un pouco tarde, mais cae o disfraz segundo comeza o Entroido.

1 Prístino

Suponho que os quatro dissidentes que votarom em contra do determinado pola sua organizaçom nom terám o papo de voltar utilizar essa marca. Que se deixem de lérias e que se diluam de vez na formaçom espanhola. O de Fernán Vello já é de nota. Ainda bem da Alexandra Rodríguez mantendo a dignidade.