Vídeo: os traballadores de Alcoa endurecen as protestas en Madrid

Traballadores dos centros de Alcoa na Coruña e Avilés chegaron este martes a Madrid, onde endureceron as súas protestas contra o peche das plantas.

Baixo o lema 'Contra o peche de Alcoa Avilés e Coruña', partiron do estadio Santiago Bernabéu para desprazarse pola Castellana (principal arteria madrileña) até o Ministerio de Industria, arredor das 11.30 horas.

Fronte a sede ministerial houbo momentos de tensión entre os manifestantes e axentes da Policía Nacional, con empurróns aos traballadores, tras pecharse as portas que dan acceso ao ministerio.