Vídeo: un lobo, de preto na noite nun bosque galego

Galicia é a segunda comunidade autónoma en España con maior número de exemplares de lobo ibérico. Aquí concéntrase o 28% das 300 mandas desta especie que subsisten no Estado, segundo datos do Ministerio de Agricultura y Pesca, Alimentación y Medio Ambiente. Castela e León é a primeira, co 60%.

Este fermoso e mítico animal segue sendo motivo de desputas. Mentres os gandeiros esixen máis batidas contra o lobo, os ecoloxistas alertan da precaria situación dunha especie en perigo de extinción que ten en Galicia un dos seus últimos refuxios.

Admirar un exemplar de lobo de preto na noite non é doado. Isto é o que conseguiu o usuario de Youtube Trasnofly, que compartiu un vídeo no que gravou un exemplar nun bosque galego non identificado polo autor.