Por Galicia Confidencial | Vilagarcía | 14/06/2018 | Actualizada ás 10:13
O fútbol alevín ou base ten unha cita en Vilagarcía de Arousa esta fin de semana co Arousa Fútbol 7. Os días 15, 16 e 17 equipos desta categoría enfrontaranse para coñecer o estado das súas formacións e ver se o campión do ano pasado, o Ajax, volve revalidar o título.
A expectación está garantida coa presenza de vinte equipos procedentes de diversos lugares do mundo. Cada un deles coa esperanza posta en colocarse entre os mellores a nivel mundial. Será o venres ás 10:00 da mañá cando comecen os encontros. Os equipos asistentes están divididos en catro grupos A, B, C e D. Así irán disputando senllas eliminatorias ata chegar á final cos dous combinados máis poderosos.
Os diferentes partidos iranse xogando segundo un calendario previamente marcado pola organización, que rematará o domingo 17 cos encontros tanto de consolación como semifinais e a final.
Os trescentos xogadores chegados de diversas partes do mundo, poderán mostrar as súas habilidades co balón, pero tamén participarán en actividades paralelas programadas para entreter a estes xogadores tan novos. Entre as procedencias das diferentes escuadras están o Kashiwa Reysol e a AF Angola, que repiten experiencia e representarán con orgullo o fútbol asiático e africano respectivamente.
Este campionato garda unha grande importancia pois estamos a falar das canteiras de equipos das grandes ligas de canda seu continente. Así, a maioría dos encontros serán retransmitidos por televisión incluíndo a fase final.
Para poder consultar os prezos das entradas, así como horarios e outros temas de interese relativos ao Arousa Fútbol 7, só hai que ir á web do evento arousafutbol7.com. Neste sitio toda a información está ao dispor do público en xeral.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.