Por Galicia Confidencial | Santiago de Comopostela | 16/05/2018 | Actualizada ás 11:10
A parroquia compostelá de Grixoa converteuse nun vertedoiro en 2008, cando se decidiu reconverter a canteira de Miramontes nun espazo para residuos inertes, refugallos de toda Galicia que van parar aí.
O colectivo audiovisual Lentes Diverxentes estivo cos veciños da parroquia santiaguesa e coa Plataforma de afectados polo vertedoiro Santiago de Compostela - Miramontes para mostrar á opinión pública este problema.
Na reportaxe, os afectados explican a súa guerra contra o lixo descontrolado en Miramontes. Xa gañaron algunha batalla, pero a loita segue. A última, hai pouco: o 10 de maio o complexo suspendía a recepción de residuos ante os problemas para circular dos camións de gran tonelaxe pola estrada cara a canteira.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.