OURENSE | 21/04/2018 | Actualizada ás 11:10 por EUROPA PRESS
Dúas persoas foron rescatadas durante a noite deste venres polos Bombeiros de Ourense tras quedar atrapadas nun illote do río Miño.
Segundo a información do CAE 112-Galicia, a alerta recibiuse ao redor das 22.00 horas, cando os afectados informaron de que se atopaban nun illote a 15 metros da beira, no río Miño, e o caudal estaba a subir, o que lles impedía volver.
En concreto, as dúas persoas, un mozo e unha moza, atopábanse no lugar de Outariz, nun illote, cando se abriron as comportas do encoro de Velle, o que provocou un aumento rápido do caudal.
Até a zona desprazáronse efectivos da Policía Nacional, dos Bombeiros de Ourense, de Protección Civil e da empresa que xestiona o encoro, así como persoal sanitario do 061.
Unha vez no lugar dos feitos, os membros do Servizo de Prevención e Extinción de Incendios e Salvamento rescataron cunha embarcación ás dúas persoas, que se atopaban en perfecto estado de saúde.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.