Temas: MONFORTE

Preto de 400 persoas inscritas na X Carreira Popular de Monforte

O evento deportivo, que se celebra o 29 de abril, é un dos máis importantes do concello e o seu carácter popular fai que conte cun importante número de participantes.

Por X.M. Fernández | Monforte de Lemos | 12/04/2018 | Actualizada ás 10:30

Comparte esta noticia

O prazo para poder inscribirse estará aberto ata o vindeiro xoves, 26 de abril. Aqueles que estean interesados en participar nesta competición poden acceder á plataforma online www.championchipnorte.com. Unha vez dentro, deben dirixirse ó evento deportivo X Carreira Popular Concello de Monforte.  Polo que respecta ós centros educativos, teñen de prazo ata o venres, 20 de abril, para realizar as inscricións colectivas. Por outra parte, tamén existe a posibilidade de dirixirse persoalmente á Oficinal Municipal de Deportes do Concello, ubicada nas Casitas da Compañía, para poder tramitar a inscrición.

Imaxe da edición do 2017. Foto: Peruchela
Imaxe da edición do 2017. Foto: Peruchela

Características da X Carreira Popular

O evento está composto de seis carreiras, cinco delas son de categorías de menos de 80, 700, 1.300 e 2.000 metros,  mentres que a carreira absoluta é de 7.000 metros.

O inicio das probas de menores será  ás 11 da mañá e a carreira absoluta tomará a saída unha hora máis tarde, ás 12 horas. Todas as carreiras teñen un percorrido totalmente urbano e moi atractivo, xa que parten da Explanada da Compañía e discorren por varias rúas do casco histórico da cidade.

Entre as probas de menores e a proba absoluta establécense un total de 14 categorías, un feito que dá lugar a un reparto importante de premios. Os tres primeiros clasificados de cada categoría recibirán un trofeo conmemorativo do evento. A única categoría na que non haberá clasificación é na mini, na que os participantes levarán unha medalla e unha bolsa de lambetadas, como agasallo por rematala carreira.

Cartel X Carreira Popular de Monforte
Cartel X Carreira Popular de Monforte

Ademais, haberá premios especiais para os mellores atletas locais e para os gañadores e gañadoras absolutos e absolutas da proba. Como novidade, nesta edición haberá clasificación por equipos, que todas as persoas interesadas poderán confeccionar a través da plataforma de inscricións.

Estes equipos estarán compostos por un mínimo de 4 e un máximo de 6 compoñentes, obrigatoriamente terán que ser mixtos,  é dicir, a metade do equipo terán que ser homes e a outra metade mulleres. Tamén recibirá un agasallo o centro educativo con maior número de atletas inscritos que crucen a liña de meta o día da proba.

Todas as persoas participantes que rematen cada unha das carreiras nas que participen recibirán unha camiseta conmemorativa do evento, así como avituallamento sólido e líquido.

Dende o Concello de Monforte animan a  toda a xente a participar nalgunha das carreiras e a presenciar o evento que, sen dúbida, merecerá a pena.

Temas: MONFORTE
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gilbert Campana

En http://www.spnfutbol.es/ también puedes ver todas las camisetas del equipo de la Copa Mundial 2018. Por supuesto que te gusta!