SANTIAGO DE COMPOSTELA | 24/02/2018 | Actualizada ás 19:09 por EUROPA PRESS
Un home resultou ferido na tarde deste sábado en Barro (Pontevedra) ao saírse da vía o turismo no que viaxaba, segundo informa o 112.
A vítima tivo que ser excarcerada polos Bombeiros de Ribadumia despois de que o vehículo no que circulaba terminase accidentado contra un muro.
O sinistro ocorreu na N-550 no lugar de Lourido, na parroquia de Perdecanai, sobre as 16,10 horas. Nese momento, o 112 recibiu a alerta do accidente a través do 061.
Enseguida, o 112 pasou o aviso aos membros do Servizo de Prevención, Extinción de Incendios e Salvamento de Ribadumia, aos voluntarios de Protección Civil de Barro e á Garda Civil de Tráfico.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.