Gonzalo Caballero (PSOE) pide que o Pazo de Meirás sexa de propiedade pública por "dereito e xustiza"

O secretario xeral do Partido Socialista en Galicia, Gonzalo Caballero, asegurou que as administracións públicas teñen que "tomar todas as medidas posibles" para que o que é "de dereito e xustiza" forme parte do futuro de Galicia, en referencia á posta á venda do Pazo de Meirás por parte dos herdeiros da familia Franco.

En resposta aos medios de comunicación en Santiago, Gonzalo Caballero aseverou que o "Partido Socialista cre que hai que cumprir as normas", puntualizando que "tamén as administracións públicas teñen que tomar todas as medidas posibles para conseguir que aquilo que é de dereito e xustiza poida estar en mans do futuro de Galicia e do goberno da Xunta de Galicia".

Así se manifestou en referencia á posta en venda do Pazo de Meirás, a través do portal inmobiliario Mikeli, por oito millóns de euros. O Pazo era propiedade da familia da escritora Emilia Pardo Bazán, e foi doado a Francisco Franco, no ano 1938, pola Deputación da Coruña tras unha recaudación cidadán.