Por Galicia Confidencial | Compostela | 11/01/2018 | Actualizada ás 11:30
Un home encadeado, coas mans ás costas, cunha forte musculatura e rudas capa e túnica de la para protexerse do frío, con poboada barba e unha melena levada polo vento. Esta sería a imaxe dun guerreiro galaico do século I e está nun arco de triunfo que os romanos ergueron na actual cidade francesa de Carpentras.
Iso é o que cre o catedrático de Arqueoloxía de Grecia e Roma da Universitat Rovira i Virgili, Joaquín Ruiz de Arbulo, tras unha longa investigación sobre outras figuras semellantes. E, por que está tan convencido de que se trata dun galego? Aos seus pés hai un símbolo determinante: a característica falcata, a espada de filo curvado típica da Iberia prerromana. “É un prisioneiro galaico”, afirma o arqueólogo. Xunto a el hai outro prisioneiro Frisio e na outra faciana do arco, un xermano e un exipcio. Máis no portal Historia de Galicia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.