Abel Caballero e a súa peculiar versión trilingüe da panxoliña 'O Tamborileiro'

O alcalde de Vigo, Abel Caballero, quixo felicitar as festas de Nadal aos vigueses cunha singular interpretación da panxoliña "O Tamborileiro" en tres idiomas: español, inglés e galego.

Abel Caballero interpreta 'O Tamborileiro' en castelán, inglés e galego | Fonte: Cadena SER.

Foi durante a emisión do programa 'Vigo de Cerca', de Localia Televigo. Caballero colleu unha guitarra clásica e arrincouse a cantar o famoso vilancico, non sen antes advertir á audiencia do programa: "Ya saben que yo canto mal, toco peor...", dixo antes de arrincar cos primeiros acordes á guitarra e cantar primeiro en español, logo nun pobre inglés e logo en galego esta panxoliña universal.