Por Galicia Confidencial | Compostela | 11/12/2017 | Actualizada ás 14:45
Afundación pon en marcha o ciclo «Cinema de outono» na súa sede de Santiago de Compostela (rúa do Vilar, 19) coa proxección, este martes 12 de decembro, a partir das 20.00 h, do filme 'Across the universe' en versión orixinal subtitulada. A entrada é libre e gratuíta ata completar a capacidade.
Todos os filmes que conforman este ciclo viran en torno ao mundo das artes e están protagonizadas por referentes da fotografía, a música, o cinema, a escultura e a moda.
'Across the Universe' (2007), de Julie Taymor, é un musical romántico ambientado nos Estados Unidos dos anos sesenta, entre as manifestacións en contra da guerra, as viaxes espirituais e o rock and roll. No medio desta situación, os protagonistas Jude e Lucy vense involucrados nas protestas que sacoden a súa cidade.
As seguintes sesións programadas dentro deste ciclo na Sede Afundación de Santiago de Compostela serán o 19 de decembro coa proxección de Camille Claudel 1915, o 26 de decembro con 'Retrato dunha obsesión', o 2 de xaneiro con 'Hitchcock' e pecharase o 9 de xaneiro con 'Yves Saint Laurent'.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.