Pasa a disposición xudicial o home detido por apuñalar mortalmente a outro en Carballo (A Coruña)
O arrestado, un toxicomano con "númerosos antecedentes", foi detido o venres despois do crime rexistrado nunha estrada secundaria
Carballo | 11/12/2017 | Actualizada ás 13:55 por EUROPA PRESS
O home detido por apuñalar mortalmente a outro na noite do venres nunha estrada secundaria de Carballo (A Coruña) pasou pouco despois das 13,00 horas deste luns a disposición xudicial.
Segundo informaron a Europa Press fontes da Garda Civil, o home foi posto a disposición do xulgado número tres deste municipio coruñés tras permanecer nos calabozos a fin de semana.
En concreto, o crime tivo lugar pasadas as 21,00 horas do venres na Avenida dos Abetos, a estrada que una a parroquia de Bértoa coa de Oza. Fontes próximas á investigación explicaron a Europa Press que a investigación se centra nun axuste de contas como principal hipótese.
Despois de recibir o aviso da presenza dun corpo por parte dun particular, as forzas e corpos de seguridade iniciaron na noite do venres unha investigación que deu como resultado a detención do presunto autor por parte da Policía Local após un pequeno accidente de tráfico.
Unha vez trasladado aos calabozos da localidade, a Garda Civil fíxose cargo da investigación, que trada de esclarecer se a agresión está relacionada con asuntos de tráfico de drogas.
