Por Galicia Confidencial | Santiago de Compostela | 23/10/2017 | Actualizada ás 12:48
Manuel Baltar (PPdeG) é, entre todos os presidentes de deputacións do Estado, o líder en Twitter por actividade e impacto. A conta da Deputación de Ourense é tamén a número un entre todas. Así o reflicten os datos analizados por Barómetro Diputación, conta en Twitter da empresa Postanalytics, que ofrece semanalmente unha clasificación das deputacións e presidentes en base aos chíos publicados nos últimos sete días.
O presidente da Deputación de Ourense foi o máis destacado de todos os presidentes provincias na última semana, coa maior puntuación grazas ao alto nivel de compromiso e participación que acadan as súas mensaxes nesta rede social.
Nesta clasificación tamén destaca Carmela Silva (PSdeG), presidenta da Deputación de Pontevedra, que aparece no sexto posto.
No que se refire ás contas oficiais en Twitter das deputacións de todo o Estado, a de Ourense tamén lidera esta clasificación, na que tamén destaca a Deputación de Pontevera, no terceiro posto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.