(AV) Colectivos encargados das emerxencias denuncian "descoordinación" e "caos total" na vaga de incendios

Diversos colectivos encargados da xestión das emerxencias en Galicia denunciaron o "caos total" e a "descoordinación" que sufriron durante a onda de incendios que afectou a Galicia desde o pasado venres ata o luns, e que tivo especial incidencia durante a xornada do domingo.

Así o aseguraron, en rolda de prensa, representantes do servizo 112, que atende ás chamadas por incidencias na comunidade; integrantes dos bombeiros públicos e comarcais, das brigadas contra incendios e dos axentes forestais.

Na súa comparecencia, criticaron que existe un "conglomerado precario e desorganizado", e mostraron a súa "alianza" para dar "o exemplo que non dan os políticos". "Unímonos e imos buscar solucións comúns", proclamaron.

(HABERÁ AMPLIACIÓN)