SANTIAGO DE COMPOSTELA | 21/08/2017 | Actualizada ás 17:25 por EUROPA PRESS
Un axente da Guardia Civil faleceu este luns nun accidente de tráfico rexistrado ao chocar a motocicleta na que circulaba cunha furgoneta no termo municipal de Cabanas (A Coruña).
Así o confirmaron a Europa Press fontes do Instituto Armado, que ratificaron que o falecido neste sinistro é un garda civil que circulaba nunha motocicleta.
O 112 Galicia recibiu o aviso do accidente ás 13,05 horas, ocorrido á altura do quilómetro 23 da estrada N-651, que une Cabanas e Pontedeume.
O particular que alertou ao servizo de emerxencias indicou que o motorista caera ao chan ao sufrir o accidente, sinalaron as mesmas fontes.
O 112 informou a Urxencias Sanitarias de Galicia-061, aos Bombeiros do Eume, Guardia Civil de Tráfico e servizo de mantemento.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.