SANTIAGO DE COMPOSTELA | 15/08/2017 | Actualizada ás 11:58 por EUROPA PRESS
Un incendio forestal no parque natural das dunas de Corrubedo foi extinguido tras queimar 0,43 hectáreas, segundo informa este martes a Consellería de Medio Rural.
O lume declarouse ás 20,11 horas do luns no Concello de Ribeira, parroquia de Artes, e quedou extinguido ás 23,45 horas. A superficie afectada é de 0,4 hectáreas de árbores e 0,03 de monte raso. Nas tarefas de extinción participaron dous helicópteros, catro motobombas, sete brigadas e dous axentes.
Por outra banda, continúa controlado o incendio forestal de Vilariño de Conso (Ourense), na parroquia de Castiñeira, que calcinou case 120 hectáreas --dúas delas de árbores e o resto de monte raso--. O lume comezou o sábado e traballaron para apagalo cinco helicópteros, tres avións e 38 brigadas, entre outros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.