SANTIAGO DE COMPOSTELA | 02/08/2017 | Actualizada ás 16:02 por EUROPA PRESS
O xulgado de Instrución número 2 de Ribeira, de garda no momento dos feitos, decretou este mércores prisión provisional comunicada e sen fianza para o home detido en relación ao asasinato dunha muller en Boiro.
O detido, de 38 anos, pasou a disposición xudicial na mañá deste mércores e, tras comparecer, o xuíz decretou prisión provisional comunicada e sen fianza por un delito de homicidio ou asasinato, pendente de cualificación en instrución.
Os feitos que se lle atribúen ocorreron sobre as 2 da madrugada do luns, cando o 112 recibiu un aviso que mobilizou á Garda Civil. Os axentes, antes de chegar ao lugar, identificaron a un home que camiñaba espido de cintura para arriba e cunha mochila.
Ao detectalo nervioso, segundo apuntaron as fontes consultadas por Europa Press, identificárono e comprobaron que nunha mochila portaba un coitelo, que supostamente foi o utilizado para acabar coa vida da muller. Tamén portaba pezas de roupa ensanguentada e todo este material está a ser analizado nestes momentos.
O presunto agresor e a falecida non mantiñan ningunha relación sentimental, senón que os encontros estaban relacionados con cuestións de drogas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.